Lav Aajkal 2 movie download
film- lav aajakal 2 nirmaata- dinesh vijan nirdeshak -imtiyaaz alee kalaakaar - kaartik aaryan,saara alee khaan,ranadeep huda,aarushi sharma aur any reting- dedh socha na tha, jab vee met, lav aajakal aur tamaasha jaisee philmon se imtiyaaz alee kee pahachaan aise nirdeshak ke taur par sthaapit ho gayee hai jo premakahaaniyaan banaane mein maahir hain. unakee philmon kee kahaanee mein nayaapan bhale hee na ho lekin unaka prastutikaran unhen khaas bana jaata hai. is baar vah apanee philm lav aajakal ka riboot lav aajakal 2 lekar aae hain. kahaanee mein nayaapan nahin hai lekin prastutikaran ka vo phaiktar gaayab hai jo imtiyaaj kee philmon ko khaas banaata hai. pyaar mein lojik to nahin maijik zaroor hota hai jo is film mein nahin hai. is baar kee lav aajakal 2 mein na shaanadaar abhinay hai ,na kalaakaaron kee umda kemistree aur na behatareen sanvaad. imtiyaaz pooree tarah se chook gae hain. yah kahana galat na hoga. kahaanee kee baat karen to pichhalee lav aajakal kee tarah yahaan bhee do kahaaniyaan samaanaantar chalatee hain. alag alag kaalakhand mein. ek maujooda daur kee dillee kee kahaanee hai to doosaree 90 ke dashak kee jayapur kee. do abhinetriyaan hain abhineta ek hee hai.donon kaalakhandon mein alag alag luks ke saath. prejent lav storee mein ladakee yaanee joi pyaar aur kariyar ke beech bailens nahin kar pa rahee hai to vaheen phlaishabaik storee ek aise kapal kee hai jahaan ladaka ladakee ke lie ghar parivaar sab chhod deta hai lekin phir vah use bhee chhod deta hai. donon kahaaniyaan ek doosare ke saath takaraatee hain. kya phlaishabaik vaalee kahaanee kee tarah hee prejent vaalee kahaanee ka bhee dukhad ant hoga. kya hoga maujooda daur vaalee premakahaanee ka. yahee aage kee kahaanee. aaratee bajaaj kee editing ne donon kahaaniyon ko bakhoobee sanvaara hai. kaimara vark bhee kamaal ka hai lekin kahaanee besvaad rah gayee hai aise mein luk ke kya maayane. imtiyaaz kee philmon mein kiradaar gre hote hain jisase rishte jatil ban jaate hain. kahaanee is baar bhee jatil hai lekin vo kahana kya chaahatee hai. ye samajh nahin aata hai. nijee jindagee aur kairiyar ke beech saamanjasy bithaane ka mudda uthaaya gaya hai lekin vo prabhaavee dhang se nahin aa paaya hai. soshal meediya par mile veer ko joi se pahalee mulaakaat mein hee vo speshal kanekshan kaise jud jaata hai.yah baat samajh nahin aatee hai. abhinay par aae to saara ke kiradaar ko zyaada aadhunik dikhaane kee koshish kee gayee hai. jisase ve banaavatee see lagatee hai aur rahee sahee kasar unakee ekting kar detee hai. saara film mein bahut zyaada laud ekting karatee nazar aayee hain. kaartik ko unake ab tak ke kairiyar kee sabase sashakt bhoomika milee thee lekin vo use parde par utaarane mein naakaamayaab rahe hain. ve na to raghu ban pae hain aur na hee veer. kulamilaakar ve saiph ke aadhe bhee nahin pahunch paate hain. aarushi sharma film mein kam nazar aayee hain lekin ve aakarshit karane mein kaamayaab rahee hain. ranadeep theek thaak rahe hain. lav aajakal kee saphalata mein usake gaanon ka bahut aham yogadaan tha. aaj bhee usake gaane logon kee pasand hai.
No comments:
Post a Comment